تاند (دوشنبه، د مرغومي/ جدي ۱۷ مه) یوه مسافر وړونکې الوتکه په دې اوونۍ کې د ۲۰۲۵ میلادي کال په لومړیو ساعتونو کې د هانګ کانګ له هوايي ډګر څخه پورته شوه او د ۲۰۲۴ کال په وروستیو شېبو کې بیرته پر ځمکه کېناسته. دا نادره پېښه ده چې یوازې د نوي کال په لومړیو ساعتونو کې پېښېږي.
د Cathay Pacific CX880 الوتنه د جنورۍ د لومړۍ نېټې د شپې په ۱۲:۲۱ بجې د هانګ کانګ له نړیوال هوايي ډګر څخه پورته شوه او له شاوخوا ۱۲ ساعتونو پرواز وروسته د ډسمبر د ۳۱ نېټې د لاس انجلس په وخت د شپې په ۸:۳۳ د دغه ښار په هوايي ډګر کې کېناسته.
د کانکورد حیرانونکې الوتنه
له دې جلا په ۱۹۹۹ کال کې د ۲۰۰۰ میلادي کال د پیل په ترڅ کې، ایرفرانس خپلو مسافرو ته دا فرصت ورکړ چې د نوې زریزې پیل دوه ځله ولمانځي.
په دې توګه، مسافرو د کانکورد په یوه الوتکه کې د پاریس له شارل دوګول هوايي ډګره د جنورۍ د لومړۍ نېټې د شپې په ۱:۰۰ بجې والوته، ترڅو د ډسمبر د ۳۱ نېټې د شپې په ۱۱:۰۰ بجې د نیویارک جان ایف کینډي هوايي ډګر ته ورسیږي. دوی وکولای شول چې د زریزې جشن یوه ځل په پاریس او بیا په نیویارک کې ولمانځي.
کانکورد چې تر غږ چټکه وه، د ځمکې له ګرځېدلو څخه مخکې شوه او وبې کړای شول چې په دې نادره تجربه کې برخه واخلي.