تاند ( دوشنبه د مرغومي ـ جدي ۱۰مه) د غزني ولایت د ګیلان ولسوالۍ اړوند د کابل – کندهار لویه لار د تور پوستې اړوند سیمه کې پرون یکشنبه مازیګر د یوه باروړونکي او مسافروړونکي موټرو د ټکر له کبله ۸ تنو ته مرګ ژوبله اوښتې ده.
سرچینې وایي پ مړه او ژوبل د یوې کورنۍ غړي دي.
غزني کې د طالبانو امنیه قومنداني ویلي، چې په دې پېښه کې یو کس مړ، شپږ ماشومان او یوه ښځه ژوبل دي.
ټپيان د مقر ولسوالۍ روغتون ته لېږدول شوي دي.
د یادونې ده، چې کابو درې اونۍ وړاندې هم په غزني کې د کابل ـ کندهار پر لویه لار د یوه ټانکر او مسافر وړونکي موټر ترمنځ د ټکر له امله تر ۱۵۰ کسانو ته مرګ ژوبله اوښتې وه.