تاند (جمعه، د مرغومي/ جدي ۷ مه) د زیمبابوې د کرکټ ملي لوبډلې د افغانستان په وړاندې د لومړۍ ټیستلوبې په لومړي پاڼې کې ۵۸۶ منډې وکړې.
د زیمبابوې ټول لوبغاړي نن د دې پنځه ورځینۍ سیالۍ په دوهمه ورځ وسوځېدل.
د دوی لپاره درو لوبغاړو سلیزې وکړې خو تر ټولو ډېرې منډې سین ویلیمز وکړې. ده ۱۵۴ منډې وکړې.
همداراز براین بینیټ ۱۱۰ او کریګ ایرفین ۱۰۴ منډې وکړې.
د کرکټ د مبصرانو په وینا، د زیمبابوې د بولاوایو میدان، چې دا ټیست سیالي پکې کېږي، د تیزو بالرانو لپاره مناسب دی خو د افغان بالرانو په منځ کې ورو ډېر دي. د دوی په باور ښه به دا وه چې تیز باولران دې ټیستلوبې ته غوره کړل شوي وای څو د زیمبابوې لوبډلې په لومړۍ پاڼې کې دومره ډېرې منډې نه وای کړي.
ګومان نه کیږي چې افغان لوبغاړي دي دا لوبه په اسانه وګټلی شي.