تاند ( دوشنبه د مرغومي/ جدي ۳مه) د سالنګ لویه لاره به سر له سبا (د مرغومي ۴مه) د سوداګریزو کاروانونو او مسافرو لپاره بېرته پرانیستل شي.
د طالبانو د حکومت د ټولګټو وزارت ویاند محمد اشرف حقشناس وایي، چې دغه لاره د بیارغونې له امله تړل شوې وه.
نوموړی زیاتوي، چې یاده لار اوس د تګ راتګ لپاره چمتو شوې،چې سبا به خلاصه شي.
د سالنګ لویه لار هر کال د ژمي په راتګ سره له ستونزو او کړاوونو ډکه وي او وخت ناوخته د باران، واورې ورښت اږ نورو ستونزو له امله تړل کېږي.
د دې لارې مسافر له طالبانو غوښتنه کوي، چې د دې ستونزې او د لارې د بندښت د مخنیوي دایمي حل وګوري.