تاند ( شنبه د جمعې لومړۍ ) میدان وردګو ولایت کې د طالبانو د حکومت سیمه ییز مسولین رسنیو ته وایي، د چک ولسوالۍ د عربانو درې اړوند په بیدریو کلي کې د ګاز ډبې د چاودنې له امله د یوې کورنۍ نهو کسانو ته مرګ ژوبله اوښتې ده.
مسوولان وایي، دې پېښه کې یو ماشوم مړ شوی او د درېیو مېرمنو په ګډون اته تنه نور ژوبل شوي دي.
سرچینه زیاتوي، چې ژوبل کسان د درملنې په موخه کابل ته لېږدول شوي.
ځایي سیمه ییزچارواکي د ژوبلو کسانو روغتیایي وضعیت د ډاډ وړ ښیي.
ټولنیز فعالان له عامو خلکو غوښتنه کوي، چې د ژمي په دې سړه هوا کې د ګازي وسایلو په کارونه کې له احتیاط نه کار واخلي او په بې پروایئ د خپل ځان او کورنۍ ژوند په خطر کې نه اچوي.