تاند (شنبه، د لیندۍ/ قوس ۲۴ مه) ایلن مسک، چې شتمني یې د امریکا د نوي ولسمشر ډونالډ ټرمپ د تیرې میاشتې له بري وروسته په بېساري ډول زیاته شوې ده، د نړۍ لومړنی کس شو چې شتمني یې له ۴۰۰ میلیاردو ډالرو څخه واوښته.
تراوسه په تاریخ کې د هیچا شتمني دومره حد ته نه ده رسیدلې.
د ده په شتمنۍ کې د وروستي زیاتوالي اصلي دلیل د سپیسایکس خصوصي شرکت د کورنیو ونډو پلور و، چې د مسک شتمني یې شاوخوا ۵۰ میلیارده ډالره لوړه کړه. د ټیسلا ونډې هم د چهارشنبې په ورځ تر ټولو لوړ قیمت ته ورسېدې، چې د مسک شتمني یې ۴۴۷ میلیارده ډالرو ته ورسوله.
په یوه ورځ کې د مسک شتمنۍ ۶۲.۸ میلیارده ډالره زیاته شوې، چې دا د تاریخ تر ټولو لویه ورځنۍ اضافه ګڼل کېږي.
په همدې وخت کې، د نړۍ د ۵۰۰ شتمنو کسانو ټولې شتمنۍ په لومړي ځل له ۱۰ تریلیونو ډالرو څخه واوښتې، چې دا شمېر د جرمني، جاپان، او اسټرالیا د تېر کال له ګډ ناخالص داخلي تولید سره برابر دی.
د مسک شتمني یوازې د ۲۰۲۴ کال له پیل څخه تر اوسه پورې ۲۱۸ میلیارده ډالره زیاته شوې ده، چې د میلیاردرو په ډله کې تر ټولو زیات ګڼل کېږي.
د ټیسلا ونډې، چې د مسک د شتمنۍ لویه برخه جوړوي، سږ کال ۷۱٪ زیاتې شوې دي، او د چهارشنبې په ورځ یې ارزښت ۴۲۴.۷۷ ډالرو ته وخوت. دا له ۲۰۲۱ کال راهیسې د ټیسلا د ونډو تر ټولو لوړه کچه ده.
تمه کېږي چې ډونالډ ټرمپ به د بېچلوونکي موټرو د فعالیت د اسانولو او د مالیاتي کریډیټونو په لرې کولو سره د ټیسلا لپاره د برښنایي موټرو ملاتړ وکړي. همداراز به، ایلن مسک د نوي حکومت په کابینه کې د یوه وزارت د کلیدي ريیس په توګه کار پیل کړي، چې دا نوی جوړ شوی وزارت د حکومت له چوکاټه بهر فعالیت کوي، خو مسک ته به د واشنګټن پر پریکړو د مستقیم نفوذ او له سپینې ماڼۍ سره د نژدې اړیکو فرصت ورکړي.
د چهارشنبې په ورځ، د سپیسایکس فضایي شرکت او د دهغه پانګوالو موافقه وکړه چې د خپلو کارکوونکو د ۱.۲۵ میلیارد ډالرو ونډې واخلي.
که هغه څه چې زه یې په انټرنټ د ایلن مسک د بریاوو په دود ګورم، ریښتیا وي، بیا که د ده پیسې څلورنیم سوه نه څلور نیم زره میلیونه ډالرو ته ورسېږي هم زما پرې رخه نه راځي. دا سړی واقعا ارزښت لري، دا سړی واقعا د انسان د هوساینې لپاره کار کوي.
د هغو ځناورو د پیسو له ډېرېدلو ووېرېږئ چې هدف یې د انسان له منځه وړونکو وسلو او وسیلو جوړول دي. دی انسان ته اساني ورکوي.
افریقایی اصله ایلن ماسک په جنوبی افریقا کی پیداشوی، پلار یی د یوی کاناډایی ښځی سره واده کړیدی. په لس کلنی کی یی مور او پلار جلا یا طلاق واخست، ماسک په افریقا کی د پلار سره پاتی شو. او د پرتوریا پوهنتون کی یی تحصیل ته ادامه ورکړه. لنډه دا چه ایلن ماسک په ۱۸ کلنی کی د کاناډایی مور په مټ کاناډا ته ولاړ او د کاناډا تابعت یی تر لاسه کړو، په ۲۱ کلنی کی امریکا ته د تحصیل په خاطر ولاړه. امید دی چه ایلن مسک د دغه پیسو یو څه برخه په خپل پلارنی وطن افریقا کی هم په تجارتی کارونو مصروف، تر څو د نړی ډیرو بی وزلو افریقایانو ته د کار زمینه هم برابره شی.
سمه ده چه د ایلن ماسک اوسنی بودجه د پاکستان ۲۵۰ میلونه نفوس په شان ۴۱ یو څلویښت ملکونه چلولی شی. ځکه همدا اوس د پاکستان په ټوله خزانه کی ۶ شپږ میلیارده ډالر پراته دی، او ټول ملک پری چلوی. همداس د افریقا د څو ملکونو څخه د ماسک بودجه زیاته ده.
د ایلن ماسک دغه پیسی باید په داسی شیانو کی بندی او وچلول شی چه د دنیا غریبو خلکو ته سرخوږی جوړ نه کړی، او یا د دنیا خلک بیکاره نه کړی. که چیرته ایلن مسک بی ډریوره اتومات موټری جوړی کړی. د ډرون پواسطه اتومات پوستی یا د سامانونو لیږل جوړ کړی، او یا نور روباتیک او اتومات شیان جوړکړی. نو بیا به خلک ټول په کور کښینوی او مشکیلات به زیات شی. او که د انسانی او حیوانی ژوند طبی وسایل جوړ کړی دا به یی انسانیت ته مرسته وی. او یا هغه شیان جوړ کړی چه غریبو انسانانو ته ضرر ونه رسوی.
یو میلیارد = زر میلونه کیدایشی د احمد ورور هدف هم همدا وی. یو تریلون = زر میلیارده