تاند ( سه شنبه د عقرب ۸مه) د طالبانو د حکومت د کانونو او پترولیم وزارت او ۷۷ ترکي شرکت ترمنځ د جوزجان ولایت د یتیم تاق سمنټو پروژې تړون لاسلیک شو.
د دغې پروژې ارزښت ۱۶۳ میلیونه ډالره ښودل شوی چې په ورځني ډول به ۳ زره ټُنه سمنټ تولید کړي.
په دې مراسمو کې چې د طالبانو د حکومت د ریاست الوزراء اقتصادي معاونیت هم ګډون کړی وو وایي، چې یاد شرکت به په دې فابریکې ۱۶۲ میلیونه ډالره پانګونه کوي.
افغانستان کې په دې وروستیو کې د سمنټو برخه کې د ځان بسیاینې لپاره ګڼې پروژې پرانېستل شوې.