تاند(پنجشنبه، د عقرب ۳ مه) د بلوچستان د ازادۍ پوځ د بلوچستان ایالت په مرکز کوټه کې د پوځ پر مرکزي قوماندانۍ د برید مسوولیت ومانه.
د دې بیلتون غوښتونکې ډلې ویندوی جیاند بلوچ رسنیو ته په استولې خبرپاڼه کې ویلي چې د دوی «سرښیندونکو» د پاکستاني پوځ په مرکزي دفتر راکټي برید وکړ او «د چاودنو په نتیجه کې شپږ دښمن عسکر ټپیان شول، چې ځینې یې په سخت حالت کې دي.»
د بلوچستان د ازادۍ پوځ د دې برید د مسوولیت منلو ترڅنګ ویلي چې د دوړی عملیات به تر هغه مهاله دوام لري چې د دوي په وینا اشغالګرو ځواکونه په بشپړ ډول له بلوچستان څخه وتلي نه وي.