تاند ( شنبه د میزان ۱۴مه) په پنجشیر ولایت کې په یوه میلمستون کې چاودنې ۶تنه ټپيان کړل.
دا پېښه د جمعې په ماښام ناوخته رامنځته شوې.
ځایي سرچینو تر اوسه د دې پېښې نوعیت نه دی په ډاګه کړی، خو پنجشیر کې د طالبانو د حکومت امنیه قومندانۍ ویلي، چې پېښه د ګازډبې د چاودنې له امله رامنځته شوې او له امله یې ۶ تنه ټپيان شوي دي.
د امنیه قومندانۍ ویاند عابدالله فاروقي رسنیو ته ویلي، چې دا پېښه په ( دره رخ) ولسوالۍ کې د دوی په یوه میلمستون کې رامنځته شوې ده.
د نوموړي په وینا ټپيان نېږدې روغتیايي مرکز ته لېږدول شوي، خو د وضعیت په اړه یې څه نه دي ویل شوي.