تاند ( پنج شنبه، دمیزان ۱۲مه) ځايي سرچینو رسنیو ته ویلي، چې د خیبر پښتونخوا په قبایلي سیمو شمالي وزیرستان کې ناپېژانده وسله والو یو پولیس افسر او د هغه موټرچلوونکی تښتولي دی.
وي او ای ډیوه د ځایي سرچینو له قوله لیکلي، چې یاد پولیس افسر د ګمرک محکمې اړوند دی.
سرچینې زیاته کړې، چې دا پېښه د چهارشنبې په ورځ رامنځته شوې؛ خو چارواکو لا په رسمي ډول په دې اړه څه نه دي ویلي.
تښتولی شوی پولیس افسر دندې ته پر لاره وو، چې د کجورۍ چیک پوسټ سیمه کې نامعلومه وسله والو نامعلوم لوري ته بیولي دي.