تاند ( دوشنبه ـ د میزان ۹مه) د طالبانو د حکومت ویاند ذبیح الله مجاهد وايي، د یوه تاجکستاني تبعه په ګډون یې د داعش ډلې یوشمېر وسلهوال بریدګر نیولي دي.
مجاهد نن دوشنبه په خپله ایکسپاڼه په یوه خبرپاڼه کې ویلي، چې نیول شویو کسانو د فرامینو د تعقیب او نظارت د ریاست یا پخوانۍ لویې څارنوالۍ پر کارکوونکو په برید کې لاس درلود.
په هغه برید کې چې د سنبلې په ۱۲مه شوی وو د دوی په وینا په کې ۶ کسان وژل شوي او ۱۳ نور ټپیان وو. خو د خپلوړاکو سرجینو په راپورونو کې د مرک ژوبلو شمېر تر دې خورا ډېر شودل شوی وو.
همداراز هغه مهال د افغانستان د څارنوالانو فدراسیون ویلي وو، چې په برید کې کابو ۱۶ افغان څارنوالان وژل شوي وو.
ذبیحالله مجاهد همداراز ادعا کړې چې د داعش خراسان ولایت وسلهوال د دوی د عملیاتو په پایله کې له افغانستان څخه وتلي دي.
نوموړي ویلي، دا بریدګر اوس د پاکستان په بلوچستان او خیبرپښتونخوا کې د روزنې کمپونه لري او له هغه ځایه پر افغانستان بریدونه پلانوي.
دا ادعا داسې مهال کېږي، چې دوه ورځې وړاندې د پاکستان لومړي وزیر د طالبانو له حکومت نه غوښتنه کړې وه، چې افغانستان کې دې د ترهګرو ډلو پر وړاندې ګړندي ګامونه پورته کړي.
خو په ځواب کې بیا د طالبانو حکومت وویل، چې افغانستان هیچاته ګواښ نه دی.
ملګرو ملتونو کې د پاکستان د لومړي وزیر سږني بیان هند سخت غبرګون پارولی
د هند د بهرنیو چارو وزیر اېس جي شنکر د خپلې وینا پر مهال په پاکستان ګڼې نيوکې وکړې. هغه وویل “پاکستان به د ترهګرۍ ډکه تګلاره کې کله هم بریالی نه شي.”
په همدې مهال امریکا کې د هند یوې جګپورې ډېپلوماټې باویکا منګلانندن د شهباز شریف له خبرو وروسته د خبرو غوښتنه کړې وه او د هغه د خبرو په غبرګون یې وویل “یو داسې هېواد چې نظام یې پوځ چلوي او تاریخ یې له ټاکنیزو درغلیو ډک دی د نړۍ یوه ستر جمهوري هېواد ته په ټاکنو کې د شفافیت خبره کوي.”
د ملګرو ملتونو ناستې ته د وینا پر مهال د هند د بهرنیو چارو وزیر جي شنکر پر پاکستان د سختو نیکو پر مهال د دغه هېواد ټولیز وضعیت ته په اشاره وویل “پاکستان د خپل کرل شوي تخم مېوه څکي.”
هغه زیاته کړه ”ډېر هېوادونه د حالت ښه نه ارزولو له کبله شاته پاتې کېږي، خو ځینې هېوادونه په لوی لاس داسې تګلارې غوره او پرېکړې کوي چې پایلې یې بربادوونکي وي، د داسې هېوادونو یوه ښه بېلګه زموږ په ګاونډ کې پاکستان دی.”
هغه ادعا وکړه چې ” له بده مرغه د پاکستان له ګناهونو ګاونډي هېوادونه زیانمنېږي.”
د هند د بهرنیو چارو وزیر د پاکستان په اړه لا ژور لاړ او په ټکو یې د پاکستان ځينې کلني خالص عواید د ترهګرۍ په بڼه له تر لاسه شویو کړنو سنجول کېږي، هغه وویل “نن موږ وینو پاکستان چې په نورو هېوادونو د بدې ورځې راتلو لپاره څومره هڅه کړې هغه یې نن خپله ټولنه خوري.”
هغه همداراز نړیوالو ته په خطاب کې وویل “پاکستان داسې بېکاره هېواد دی چې د نورو خلکو په ځمکو نظر ساتي خلک باید په دې پوه شي او باید ورسره مقابله وکړي.”
جي شنکر همداراز د پاکستان لومړي وزیر څرګندونو ته په غبرګون وویل “موږ د ملګرو ملتونو دې ناسته کې د شهباز شریف له خولې عجیبه خبرې واورېدې، زه د هند دریځ یو ځل بیا دلته واضح بیانوم چې پاکستان به د ترهګریزې پالیسۍ له لارې کله هم موخو ته ونه رسېږي، بالکعس د هر عمل پایله به هرو مرو ویني.”
هغه همدارز د وړاندیز په ډول وویل “زموږ تر منځ ځینې ستونزې حلېدای شي، د بېلګې په ډول “که پاکستان په ناقانونه ډول د هند نيول شوې ځمکه پرېږدي او همدارز له ترهګرۍ سره خپله اوږده ملګرتیا وشلوي.”
څه موده وړاندې د پاکستان د دفاع وزیر د تاجکستان د خارجه وزیر سره وکتل کیدای شي هدف یی همدا وو
متقي په پاکستان کې د پاکستاني او امریکايي ځواکونو پر ګډه مانوره اندېښنه ښکاره کړه