تاند (یکشنبه، د میزان ۸ مه) د ناسا ستوربېړۍ (پرسویرینس) چې له درو کلونو راهیسي په مریخ کې څېړنې کوي، تازه یوه داسي تیږه موندلې چې ساینسپوهان یې حیرانه کړي دي.
دې ستوربېړۍ یوه ډبره، چې تورې او سپینې دارې لري، موندلې. دا تیږه په مریخ کې له نورو موندل شویو تیږو سره توپیر لري یا په بله ژبه له نورو تیږو سرزه ورته والی نه لري، او د د فضايي چارو متخصصانو پرې د “فرییا کاسل” نوکم ایښی دی.
څیړونکي وایي داسې ښکاري چې دا ډبره دې سیارې ته له بل ځای څخه راغلې ځکه چې هغه په مریخ کې له نورو تیږو سره توپیر لري.
ساینسپوهان هیله لري چې په راتلونکو څو اونیو کې به د دې معما راز معلوم کړای شي.