تاند ( یکشنبه ـ د سنبلې ۲۵مه) د هوای پېژندنې ادارې په یوه خبرپاڼه کې نن یکشنبه د هېواد په ۱۳ ولایتونو کې د تېزو بارانونو، تالنده برېښنا، بادونو او سېلایونو خبر ورکړی دی.
یادې ادارې چې په بدخشان، تخار، نورستان، کونړ،لغمان، کاپیسا، پنجشېر، بغلان، پروان، ننګرهار، پکتیا او خوست ولایتونو کې به د سالنګونو په شمول باران ووري چې اندازه به یې له ۱۵ تر ۲۵ ملي مترو پورې وي.
په خبرپاڼه کې د سالنګونو په شمول په ځینو لوېدیځو، جنوبي او مرکزي ولایتونو کې د تېزو بادونو د لګېدو خبرداری ورکړل شوی.
د دې بادونو چټکتیا په ساعت کې تر اویا کیلومترو ښودل شوی دی.
دا خبرداری داسې مهال ورکول کېږي چې په وروستیو څو میاشتو کې د افغانستان ګڼې سیمې د سېلابونو له امله ویجاړې او خلکو ته د ځاني زیانونو ترڅنګ سخت مالي زیانونه اوښتي دي.