تاند (پنجشنبه، د سنبلې ۲۱ مه) د امریکا په کانګریس کې د ټینیسي ایالت استازي ټیم بورچیټ یوه داسي لایحه وړاندې کړې چې هدف یې د طالبانو پر ضد د سیاسی پلیټ فارم ملاتړ د دې دریځ پیاوړتیا ده چې طالبان یو تروریستي تنظیم دی.

دغه لایحه د ویانا په پروسه کې د متحدو ایالتو د ښکیلتیا غوښتنه کوي. د ویانا پروسه د ټولو طالب ضد افغان ډلو او سیاسي بهیرونو د یوځای کېدو غوښتنه کوي.

ده له پخواني ګرین برت، سکاټ من او نورو کارزبوهانو څخه چې د لایجې په ترتیبولو کې یې مرسته کړې، مننه وکړه او ویې ویل: “طالبان تل یوه تروریستي ډله وه، د دوی دا ژمنه دروغ وه چې دا ځل به شیان مختلف وي.”

د برچیټ دفتر یو بیان خپور کړ چې د دې لایحه اهداف په ګوته کوي. په بیان کې د یوې ترهګرې ډلې په توګه د طالبانو رسماً غندل او له ویانا پروسې سره د لا زیاتې نړیوالې ښکیلتیا غوښتنه شامله ده. دغه پلیټ فارم، چې د اتریش په ویانا ښار کې جوړ شوی، هڅه کوي چې د طالبانو ضد سیاسي ځواکونه متحد کړي او یو همغږی اپوزیسیون جوړ کړي.

دا لایحه په افغانستان کې د طالبانو د مشرتابه په اړه د متحدو ایالتونو روانې اندیښنې په ګوته کوي او د هیواد په سیاسي ګډوډۍ کې د افغانانو تر څنګ د دریدو پر اهمیت ټینګار کوي.