تاند ( چهارشنبه، د سنبلې ۲۱مه) افغان کرکټ بورډ وایي، د افغانستان او نیوزیلنډ کرکټ ملي لوبډلو ترمنځ د یواځېنۍ ټېسټ لوبې درېیمه ورځ هم د تېرې شپې او اوسمهال د شدید ورښت له امله نه ترسره کېږي.
کرکټ بورډ زیاتوي لوبڅاران به سبا سهار ۸ بجې د لوبغالي له ارزونې وروسته د لوبې د پیل په اړه پرېکړه کوي.
نن درېیمه ورځ ده چې دا لوبه د باران له امله ځنډېږي.
د افغانستان او نیوزیلنډ ترمنځ یواځینۍ ټیسټ لوبه د هند په ګریټرنویډا لوبغالي کې ترسره کېږي.
د لوبې ځنډېده په ټولنیزو رسنیو کې د افغان کرکټ پوهانو غبرګونونه راپارولي.
دوی پر کرکټ بورډ نیوکه کوي او وایي له اوږده انتظار وروسته افغانستان د ټیسټ لوبې فرصت ترلاسه کړی خو د دوی په وینا د کرکټ بورډ د بې پروا چلند له امله دا لوبه هم په ضایع کېدو ده.
د افغانستان او نیوزیلنډ د ټېسټ لوبې ۳مه ورځ هم ضایع شوه
