تاند (چهارشنبه، د سنبلې ۲۰ مه) د طالبانو ريیس الوزرا ملا حسن اخوند نن (چهارشنبه) هرات ته لاړ چې د ټاپی پروژې په پرانستونکو مراسمو کې برخه واخلي. طالبانو ویلي چې په دې سفر کې به د افغانستان او ترکمنستان ترمنځ د تیلو او ګازو، انرژۍ او ترانسپورت په برخو کې پر نورو پروژو کار پیل شي.
د طالبانو تر کنټرول لاندې ارګ نن په یوه خبرپاڼه کې ویلي چې ملاحسن اخوند به هرات او بیا د ترکمنستان په جنوب لویدیځ کې د ماري ښار سلیم چشمې سیمې ته سفر وکړ.
له ملا حسن اخوند سره په دې سفر کې د نوموړي اقتصادي مرستیال ملاعبدالغني برادر هم ملګری دی.
د ترکمنستان د ګازو نللیکه، چې ټاپي نومېږي، له افغانستان څخه پاکستان او هند ته رسیږي، او یوه لویو سیمه ییزه پروژه ده.