تاند(سې شنبه، د سنبلې ۱۹ مه) د افغانستان په مهمو ښارونو کې په سوداګري مرکزونو کې د اور لګېدو له پر له پسې پېښو وروسته، ځینو پاکستاني خبري سرچینو او همدارنګه په افغانستان کې د طالبانو واکمنې ادارې ته نژدې کسانو په دې پېښو کې د پاکستان د پوځي استخباراتي ادارې لاس لرلو ته ګوته نیولې ده.
د تسنیم خبری اژانس د راپور له مخې، ادعا کېږي چې د پاکستان د استخباراتو اداره (آی ایس آی) د افغانستان په لویو ښارونو کې د سوداګریزو مرکزونو د ویجاړولو او سوځولو لپاره یو ځانګړی واحد جوړ کړی دی.
په پاکستان کې بلوڅ ځواکونو ته نژدې یو ژورنالیست او لیکوال او د “یاهوت” ویبپاڼې چلوونکي ویلي چې د دې واحد مشري د “جمال ناصر” په نوم یو افسر، چې د کوټې ښار اوسیدونکی دی، کوی. د جمال ناصر سازمانی نوم شاهین دی.
د اسد الله اغا په ګډون طالبانو ته د یو شمېر نژدې سرچینو په وینا، تېره میاشت، د پاکستان د پوځي استخباراتو یوې ځانګړې څانګې د ډیورند لانچمنې کرښې ته څېرمه د کندهار په سپین بولدک ولسوالي کې یوه لوی سوداګر مرکز ته اور واچاوه چې په نتیجه کې یې ټول بازار وسوځېد او د میلیونونو ډالرو تاوان واوښت.
پر کندهار سربېره په وروستیو کې په ننګرهار، هرات او د افغانستان په ځینو شمالي ولایتونو کې د اور لګېدو له امله یو شمېر تجارتي مرکزونه او ګڼ موټرونه سخت زیانمن شوي یا بشپړ ویجاړ شوي دي.
د دغو پېښو عاملان څرګند شوي نه دي او د طالبانو حکومت هم په دې اړه رسماً څه نه دي ویلي.
دد ترهګر حکومت همدا وظيفه ده کله دافغانستان تجارتي لاري بندي کړي، کله تجارتي مرکزووته اور اچوي خو سوال دلته ده چي د پاکستاني بل هدف څه ده برسيره پر د چي خپل روزل شوي زورواکي یي په افغانستان کي واک ته ورسول او زورواکي غلي ناست دي هيڅ غږ نه پورته چي د وطن اقتصاد ئي سبوتاج کيږي، منتقي خو به دا وای چي پاکستاني حکومت له تالبانو سره اقتصادي مرسته کولاي چي تاليبيي حکومت سم په پښو وريږي او د خلکو په منځ کي محبوبيت پيدا کړي واي.
که څوک دا موضوع روښانه کړي چي پاکستان ولي د افغانستان اقتصاد سبوتاجوي بده به نه وي.
خوښنه.