تاند ( یکشنبه، د سرطان ۲۴ مه) د بغلان ولایت طالب چارواکي وايي، چې د دغه ولايت په مرکز پلخمري او د ډنډې غوري ولسوالۍ په خواجه الوان سیمه کې په جلا _جلا ترافیکي پېښو کې ١٢ کسانو ته مرګ ژوبله اوښتې ده.
د باختر اژانس د راپور له مخې، د بغلان د ډنډ غوري ولسوالۍ په خواجه الوان سیمه کې د دوو موټرو د ټګر له امله د یوې ښځې په ګډون ٦ تنه مړه او ٥ نور ټپیان شوي دي.
ورته مهال د یاد ولایت په مرکز کې د یو موټرسايکل او پاسو ډوله موټر د ټکر له امله یو تن مړ شوی شوی دی.
د یادو پېښو اصلي لامل د موټر چلوونکو بې احتیاطي ښودل شوې ده.