تاند (پنجشنبه، د سرطان ۲۱ مه) د پاکستان پوځ ومنله چې پرون د پیښور په حسین خیلو سیمه کې یې د عملیاتو په ترڅ کې ۴ پوځیان وژل شوي دي.
د پاکستان د پوځ د رسنیو څانګې پرون (چهارشنبې) په یوه بیان کې ادعا کړې وه چې د پېښ،ر په حسین خېلو کې یې یو مهم وسله وال مخالف قوماندان او د هغه دوه نور ملګري وژلي دي. پوځ خپلو مرګ ژوبلو په اړه څه نه و ویلي.
خو پرون ناوخته یې وویل چې څلور پوځیان یې وژل شوي وژل شوي دي. پوځ په عین حال کې د دې لپاره چې وښيي چې وژل شوي پوځیان پنجابیان نه دي، ویلي چې وژل شوي سرتېري د سوابۍ، کواټ، پیښور او مانسېرې اوسیدونکي وو.
د پاکستان د پوځ د عامه اړیکو د خبرپاڼې له مخې، په حسین خیلو سیمه کې د پوځ او پولیسو له خوا د دغو ګډو پوځي عملیاتو په نتیجه کې درې سختدریځي وسله وال وژل شوي دي.
د پاکستان د پوځ په وینا د عبدالرحیم په نوم د سختدریځو یو قومندان چې پرسر یې ۶ میلیونه روپۍ جایزه ټاکل شوې وه هم د وژل شویو په ډله کې دی.