تاند ـچهارشنبه، د سران ۲۰مه) له یوې لسیزې انتظار وروسته د اروپا د فضايي ادارې له لوري جوړ شوی ارین ۶ توغندی د سې شنبې په ورځ (د جولای ۹ مه) د فرانسې له ګویان اډې فضا ته په بري وتوغول شو.
د دې توغندي له توغولو وروسته د اروپا فضايي ادارې د ارام سا وایستله او له یو کال ځنډ وروسته یې یو وار بیا د مځکې له مدار سره مستقیم تماس ټینګ شو.
ارین ۶ د ارین ۵ ځایناستی دی چې کلونه د اروپا د فضايي ادارې لپاره ډېره مهمه شتمني ګڼل کېده.
له ۱۹۹۶ څخه تر ۲۰۲۲ پوري ارین ۵ د ۱۱۷ توغونو لپاره چمتو شو چې په ۱۱۲ مواردو کې بریالی و.
ارین ۶ تر مخکیني سپک، او توغول یې ارزانه دي.
د دې توغندي پر جوړولو ۴ میلیارد یورو لګښت شوی او ۱۳ اروپايي هیوادونو یې په جوړولو کې برخه لرله.
Play