تاند (یکشنبه، د سرطان ۱۷ مه) د پاکستان پخواني صدراعظم او د تحریک انصاف ګوند رهبر عمران خان، چې د فساد او له واکه د ناوړه استفادې په تور بندي دی؛ په زندان کې د نه خوړو د اعتصاب خبرداری ورکړی.
نوموړي ویلي، چې د پاکستان پر قاضي القضات قاضي فایز عیسا بې باوره دی او د ده د قضیې په اړه یې پرېکړې د پوښتنې وړ ګڼي.
عمران خان ویلي، چې ژر به خپلو وکیلانو سره له سلا مشورو وروسته د نه خوړو د دغه اعتصاب نېټه اعلان کړي.
څه موده مخکې د ملګرو ملتونو د بشري حقونو یوې ادارې په زندان کې د عمران خان د وضعیت په اړه نیوکه کړې وه، چې د پاکستان حکومت یې نیوکې رد کړې وې.