تاند (شنبه، د سرطان ۹ مه) د پاکستان تحریک انصاف (پي ټي آی) له مرکزي حکومته غوښتي چې د ترهګرۍ د مخنیوي لپاره له «پولې پورې خوا ته» په افغانستان کې له بریدونو څخه ډډه وکړي.
تحریک انصاف دا غوښتنه وروسته له دې وکړه چې د پاکستان دفاع وزیر خواجه اصف له امریکا غږ سره په مرکه کې وویل چې د نویو پیلیدونکو عملیاتو په ترڅ کې ممکن د افغانستان په خاوره کې هم د ټي ټي پی غړي تعقیب کړي او دا عملیات د افغانستان خاورې ته وغځوي.
د پاکستان په ملي جرګه کې د اپوزیسیون مشرانو د خواجه اصف د څرګندونو په غبرګون کې د جمعې په ورځ بیړنۍ غونډه وکړه.
د اپوزیسیون غړو وویل: “موږ په خپل هیواد کې هیڅ راز لاسوهنې ته اجازه نه ورکوو، نو باید موږ هم په بل هیواد کې مداخله ونه کړو.”
د اصف د بیان د غندلو په ترڅ کې، د اپوزیسیون مشرانو ووویل چې دا ډول څرګندونې نه یوازې د پاکستان او افغانستان ترمنځ “ورورګلویزو” اړیکو ته زیان رسوي بلکې سیمه ییزه سوله هم له خطر سره مخامخ کوي.
قیصر وویل: “له هند سره زموږ اړیکې د رقابت او تربګنۍ پر بنسټ ولاړې دي، او اوس موږ هڅه کوو چې له افغانستان سره هم ورته چلند وکړو. موږ د جګړې او ګډوډۍ د لا زیاتېدو توان نه لرو.”
هغه ټینګار وکړ چې د یوه ګاونډي هېواد دننه بریدونه به ټوله سیمه د جګړې له خطر سره مخامخ کړي.
د حکومت په وړاندې د انتقادي څرګندونو په یوه تازه لړۍ کې، په ملي جرګه کې د اپوزیسیون مشر عمر ایوب په ډاګه کړه چې “حتی د نړۍ لوی قدرتونه هم په افغانستان کې، چې تل په سیمه کې د جیوستراتیژیک د تمرکز نقطه ګڼل کیږي، له ننګونو سره مخامخ شوي دي. “
“هند په پاکستان کې دننه د ډېرو ترهګریزو بریدونو لارښوونه کوي. ولې دفاع وزیر په هند کې دننه د بریدونو په اړه څه ونه ویل؟” هغه دا پوښتنه له پارلمان څخه بهر له رسنیو سره د خبرو پر مهال وکړه.
د پي ټي آی مشر یو ځل بیا ټینګار وکړ چې د هغه ګوند نه غواړي چې هیواد یې “د بل چا په جګړه” کې ښکېل شي.
د بهرنۍ پانګونې د جذبولو لپاره د سختدریځۍ د ختمولو په اړه د پاکستان د دفاع وزیر تبصرې ته په اشارې ايوب وويل چې په حقيقت کې د پانګونې لپاره د قانون رعایتول او پرې ژمنتیا پکار ده.
د اپوزیسیون نورو مشرانو هم د خواجه اصف څرګندونې پاروونکې او نامناسبې وبللې .
د افغانستان د طالبانو حکومت تراوسه پورې د خواجه اصف د څرګندونو په اړه څه نه دي ویلي.
نو طالب جان خو دوه پنځوس یرغلګرو ته ماته ورکړه ! دا څنګه سي تورغري لنګ وهلي د پرنګي زوئ ته چوپه خوله دي ؟نو بیا داسي انګیرل کیږي سي کافرستان تر دوه پنځوسو یرغلګرو زورور او د طالب واڼي پنجابي ته وتلې او رښتیا هم دوی د کافرستان په ځنځیر تړلي غلامان دي 😡☹️!
له یوې کرایې ملیشه او په غلام فکر سمبال ډلې څخه د عکس العمل ښکاره کول هغه څه دي چې، نه یې خپلواک فکر او نه یې هم عقل منئ.
دا د هیبتې ځناورو په هکله ځمکنې واقعیتونه دئ.