تاند (پنجشنبه، د سرطان ۷ مه) د افغانستان د کرکټ د ملي لوبډلې روزونکي جناټن تراټ د جنوبي افریقا پر وړاندې د ۲۰ اوریز نړیوال جام په نیمه پایلوبه کې پر کارول شوي پچ نیوکه وکړه او هغه یې د دومره مهمې او پراخې سیالۍ لپاره نامناسب وباله.
د افغانستان او جنوبي افریقا ترمنځ د ۲۰۲۴ د نړیوال شل اوره جام لومړۍ نیمه پایلوبه د براین لارا کرکټ اکاډمۍ په لوبغالي کې وشوه، د افغانستان ټول لوبغاړي یوازې په ۵۶ منډو وسوځېدل، چې دا د ۲۰ اوریز نړیوال جام په نیمه پایلوبه کې تر ټولو کمې منډې وې.
پر پیچ د تروټ انتقادونه په دې دي چې توپ پکې تر اندازې ډېر سوینګ او باونس کېده چې له کبله یې بیټسمینانو ته، په تېره بیا هغوی چې لومړی بیټنګ کوي، غیر عادلانه شرایط رامینځته کوي.
سره له دې چې جنوبي افریقا په 8.5 اورونو کې هدف ترلاسه کړ، د دوی توپ وهونکي هم په ننګوونکي پیچ کې له پام وړ ستونزو سره مخامخ شول.
تروټ له لوبې وروسته په مطبوعاتي کنفرانس کې وویل.
«زه نه غواړم خپل ځان په جنجال کې واچوم، او زه نه غواړم چې تریخ یا د خړو انګورو قضیه وي، مګر دا هغه میدان نه دی چې تاسو غواړئ یوه سمه او ښه نیمه پایلوبه پکې وکړئ.»
تروټ، چې پخوا د انګلستان توپ وهونکی و، وویل پیچ د لوبې د بیټنګ یا توپ وهنې برخه حذف کړې وه.
ده زیاته کړه: «دا باید یوه عادلانه سیالي وي. زه دا نه وایم چې پیچ دې په بشپړ ډول هوار وي پرته له سپن او هیڅ باونس نه؛ زه وایم چې باید داسي هم نه وي چې توپ وهونکي د پیچ په اړه زیاته اندیښنه ولري.
دوی باید د پښو په حرکت باور ولري او د دې وړتیا ولري چې د کرښې له لارې ووهل شي یا خپل مهارتونه وکاروي.»
تر دې مخکې د نیویارک پر پیچونو هم ورته نیوکې شوې وې. هلته هم باولرانو ډېرې منډې نه شوای جوړولی.
د یادونې وړ ده چې په دې لوبغالي کې د نړیوال جام د پنځو سیالیو له منځه یوازې په یوې سیالۍ کې یوې لوبډلې په لومړۍ توپ وهنه کې ۱۰۰ منډې پوره کړې. نور ټول تر سلو منډو مخکې سوځېدلي دي.
یوازې ویسټ انډیز په دې پیچ کې د نیوزیلینډ په وړاندې 149/6 منډې جوړې کړې او په بریالیتوب سره یې د خپل هدف دفاع وکړه.