سه شنبه, جولای 23, 2024
Homeخبرونهپه افغانستان کې د مخدرو موادو مخنیوی او پر اروپا یې منفي...

په افغانستان کې د مخدرو موادو مخنیوی او پر اروپا یې منفي اغېز

تاند (چهارشنبه، د جوزا ۲۳ مه) په افغانستان کې د طالبانو له لوري د کوکنارو د کښت له مخنیوي او د کوکنارو د کروندو له اړولو وروسته د اروپايي اتحادیې د نشه يي موادو د څارنې مرکز خبرداری ورکړ چې باید په راتلونکې کې د هیروینو د کمښت پایلو ته چمتو واوسي.

په 2022 ملب کې، طالبانو د کوکنارو په کښت باندې بندیز اعلان کړ. د ملګرو ملتونو د مخدره موادو او جرمونو دفتر (UNODC) اټکل کوي چې د بندیز له لګېدو راهیسې د مخدرو موادو په تولید کې 95٪ کمښت راغلی دی.

د ملګروملتو د مخدرو موادو او جرمونو د ادارې ريیس الیکسس ګوسډیل وايي:«د سپوږمکۍ د عکسونو تحلیل ښیې چې دا بندیز پلي کیږي. څه چې موږ پوهیږو هغه دا دي چې لاهم په افغانستان کې د هیروینو زېرمه شته، نو موږ تمه کولی شو، مخکې تر دې چې په بازارونو کې هیروین کم شي، وخت ته اړتیا ده.»

ګوسډیل وايي چې لا دمخه د اروپايي اتحادیې په ځینو غړو هیوادونو یا بریتانیا کې داسې نښې شته چې د مخدرو موادو د اکمالاتو کموالی ښيي.

ده د ملګروملتو د مخدرو موادو او جرمونو ادارې د وروستي کالني راپور په وړاندې کولو کې وویل: «پوښتنه دا ده چې راتلونکی به څه وي؟ خطر دا دی، هغه کسان چې هیرویین کاروي هغوی به نورو مخدرو موادو ته، چې ارزانه او اسانه موندل کېږي خو د هیروینو پرتله لا ډېر خطرناکه دي، واوړي. ځینې ​​​​یې د مورفین په پرتله 700 ځله ډیر قوي دي.»

هیروین په اروپا کې تر ټولو عام کارول کېږي او د ګڼو خلکو د مړینو او روغتیايي وضعیت د خرابیدو سبب کېږي خو هغه کسان چې تازه مخدرو موادو ته مخه کوي، اوس تر پخوا لږ یې هیروین څکوي.

LEAVE A REPLY

Please enter your comment!
Please enter your name here

- Advertisment -

ادب