سه شنبه, جولای 23, 2024
Homeخبرونهایران ته د درې افغان ماشومانو د تښتونې مخنیوی

ایران ته د درې افغان ماشومانو د تښتونې مخنیوی

تاند (جمعه، د جوزا ۱۸ مه) د نیمروز لپاره د طالبانو امنیتي چارواکو د دغه ولایت په دلارام ولسوالۍ کې ایران ته د ۳ ماشومانو د تښتونې د مخنیوي خبر ورکړی دی.

د دغه ولایت د دلارام ولسوالۍ لپاره د طالبانو امنيه قومندان ملا محمدابراهيم حاجي هېواد ویلي، چې د دغې ولسوالۍ طالبانو هغه ښځه او سړی نيولي، چې څو ورځې وړاندې يي د کابل څخه ۳ ماشومان تښتولي وو او غوښتل يې ګاونډي هېواد ايران ته واړوي، چې د دوی د ځواکونو له خوا د يو لړ کشفي عملياتو په ترڅ کې پيدا او نیول شوي دي.

حاجي هېواد زياتوي د نیول شویو کسانو دوسیې به له بشړېدو وروسته عدلي او قضايي ارګانونو ته وسپارل شي.

د طالبانو له بیا واک ته رسېدو سره د انسان تښتونې پېښې زیاتې شوي او ډېر ځله د ځوانو نجونو د تښتونې خبرونه هم ورکړل شوي، خو طالبانو یې بیرته د خوشې کېدو او د عاملانو د نیولو اعلان کړی.
اقتصادي او بشري ناورین، د بې کارۍ شدت او د مسلکي امنیتي ځواکونو نشتوالی د دغو پېښو اصلي لاملونه ګڼل شوي.

1 COMMENT

  1. تاند مسؤل ته
    د پخوانې رژیم په تناسب جرایم په زرهاؤ ځله کم شوي۔ پخواني رژيم کې جرمونه د يوه سازمان په ډول سر ته رسيدل , چې قاضي, څارندوال او پولیس ټول پکې شامل وو۔
    فقر او بيکاره نبايد د جرايمو بهانه شي۔ هر سړی بايد کار وکړي۔ هيله لرم چې جرايمو ته پلمه مه جوړوی۔

LEAVE A REPLY

Please enter your comment!
Please enter your name here

- Advertisment -

ادب