سه شنبه, جولای 23, 2024
Homeخبرونهطالبان وايي د یو میلیون ډالرو په ارزښت د الوتکو پُرزې او...

طالبان وايي د یو میلیون ډالرو په ارزښت د الوتکو پُرزې او مهمات یې کشف کړي

تاند (جمعه، د جوزا ۱۸ مه) د طالبانو د حکومت دفاع وزارت وايي چې په پلازمېنه کابل ښار کې یې د شاوخوا یو میلیون ډالرو په ارزښت د پوځي مهماتو او الوتکو پُرزې نیولي دي.

دغه وزارت په یوه خبرپاڼه کې ویلي چې د ملي دفاع وزارت د استخباراتو معینیت د استخباراتي ضد ریاست منسوبینو په کابل کې د یو لړ کشفي راپورونو پر اساس، درې تنه له ګڼ شمېر پوځي مهماتو او د الوتکو له پرزو سره نیولي دي.

د خپرپاڼې له مخې، په نیول شويو مهماتو کې د الوتکو ۱۲۸بېلابېل ډوله پرزې، ۸ تومانچې، ۲۵ مخابرې، ۴ تختې باروت او یو شمېر نور توکي شامل دي.

سرچینې زیاته کړې چې ترلاسه شوي مهمات او تجهیزات شاوخوا یو میلون ډالر ارزښت لري.

د ملي دفاع وزارت په خپرپاڼه کې همداراز ویلي چې نیول شوي کسان اړوندو ادارو ته دنورو پلټنو لپاره سپارل شوي دي.

1 COMMENT

  1. په سترو قاچاقو، د مخدره موادو، تاریخی اثارو، اسلحو او داسی نورو کی حتمآ د طالب مشرانو لاس شته دی کنه نو ولی دا کسان خلکو ته نه ورښیی؟ یو بیچاره غل چی د مجبوری له وجی یی غلا کړی وی بیا د هغه غاړه کی چرګان ځولنډه وی خو د سترو غلاوو او قاچاق اشخاص د کمرو مخی ته نه راولی عجیب عمری عدالت دی چی نورو ته سزا ګانی ورکوی خو د پخوانی د پاسپورت د ریس ورور بیغمه په دوحی او دوبی کی چکرونه وهی ـ

LEAVE A REPLY

Please enter your comment!
Please enter your name here

- Advertisment -

ادب