تاند (سې شنبې، د ثور ۲۴ مه) د متحده عربي اماراتو هوايي شرکت نن (سې شنبې) وویل چې په تېر یو کال کې یې ۵ میلیارده او ۱۰۰ میلیون ډالره عاید ترلاسه کړی چې دا د وړم کال پرتله ۷۱ سلنه زیات دی.

دا پر له پسې دوهم کال دی چې د اماراتو هوايي شرکت د زیات عاید په برخه کې ریکارډونه ثبتوي.

دغه هوايي شرکت له ۲۰۲۰ تر ۲۰۲۲ پورې، چې په نړۍ کې کرونا وبا خپره شوه، یو میلیارد او سل میلیون ډالره زیان کړی و خو په تېرو دوو کلونو کې یې تولټال ۸ میلیارده او سل میلیون ډالره ګټلي او د هغه زیان وټ کټ یې ایستلی چې له ۲۰۲۰ تر ۲۰۲۲ پورې یې کړی و.

د امارات هوايي شرکت د ۲۰۵ نورو الوتکو فرمایش ورکړی او ټاکل شوې ده چې سږ کال ۱۰ ایربس الوتکې وروسپارل شي.

امارات هوايي شرکت د امریکا له امریکن اییرلاینز او دلټا هوايي شرکت وروسته د نړۍ درېیم ستر هوايي شرکت دی.

امریکن اییرلاینز په کال کې ۲۰۰ میلیونه او ډلتا ۱۷۰ میلیون مسافر لېږدوي خو امارات په کال کې ۵۰ میلیونه سپرلۍ وړي – راوړي.

The Emirates Group has reported its best-ever financial results for 2023-24, hitting record profit, record revenue, and record levels of cash assets. In total, Group profits reached AED 18.7 billion, a 71% increase on last year.

Such an outstanding achievement wouldn’t have… pic.twitter.com/XJFvHLT21d

— HH Sheikh Ahmed bin Saeed Al Maktoum (@HHAhmedBinSaeed) May 13, 2024