تاند ( یکشنبه، د ثور ۲۳مه) په کابل کې د طالبانو د امنیې قومندانۍ ویاند خالد ځدراڼ ویلي، چې د پرځیدلی جمهوري نظام د ولسي جرګې غړی الله ګل مجاهد د یوه کس د وژلو په تور بندي شوی.
سرچینې د وژل شوي کس نوم قاري سعیدالله ښودلی او ویلي، چې نوموړی د ۱۴۰۲ په وروستیو کې وژل شوی او مجاهد پکې په لاس لرلو تورن دی.
ځدراڼ په خپله ایکس پاڼه لیکلي: موجود مدارک، شواهد او د قضیې د تحقیق ډول ایجاب کوي چې د نوموړي آزادي محدوده شي. له دې امله یې د تحقیق تر بشپړېدو او د صلاحیت لرونکې محکمې تر حکمه په توقیف کې د پاتې کېدو تصمیم ونیول شو.
الله ګل مجاهد او ورته نږدې سرچینو په دې اړه څه نه دي ویلي.
د یادونې وړ ده، چې الله ګل مجاهد شاوخوا یو کال مخکې له ترکیې څخه ایران او بیا افغانستان ته د طالبانو د سیاسي کمېسیون په بلنه ستون شوی و.
هغه د جمهوري نظام پر مهال هم د طالبانو له مدافعینو و، خو له واک ته رسېدو وروسته یې د یو شمېر کسانو لخوا چې د طالبانو وسله والو ته ورته ول، په یوه رسنیزه شوې ویډیو کې د اهانت او بندي کېدو څخه وروسته له هېواده وتلی و.
مجاهد له پخوا څخه د ځمکو په غصب، وژنو، زورواکۍ او باج ګیرۍ تورن و، خو ده دا تورونه رد کړي وو.
حکمتیار لالا هم باید د دا خلی جنګونو د قتلونو او وژنو او د روسانو د وخت د جهاد سره د خیانت حسابونه تصفیه کړی- د تصفیی اجبه فضا
برابره شوی ده.
ایسته یې خمبیره کړئ چې دا وطن ترې خلاص شي، دا انسان کیږي نه.