د افغانستان د والیبال فدراسیون وايي چې د هیواد د والیبال ملي لوبډله د منځنۍ اسیا د والیبال د اتلولیو په سیالیو کې د ګډون په لپاره اسلام اباد ته رسېدلې ده.
ټاکل شوې ده چې افغانستان نن (شنبه) په خپله لومړۍ سیالي کې له پاکستان سره مخامخ شي.
دا مسابقه د کابل پر وخت ماښام ۶:۰۰ بجې پیلیږي. د افغانستان د والیبال فدارسیون وايي، د یادو سیالیو لپاره یې ۱۴ کسیزه لوبډله د درې روززونکو په ګډون د جمعې په ورځ پاکستان ته تللې ده.
افغانستان به په دې ټورنمنټ کې له پاکستان، ایران، سریلانکا، ترکمنستان او قرغیزستان سره ۵ سیالۍ وکړي.