تاند (۳ شنبه، د ثور ۱۱ مه) د اسلامي پراختیا بانک سرچینو خبر ورکړی، چې په ۲۰۲۳ کال کې یې د خپل بشردوستانه اماني صندوق له لارې په افغانستان کې له خوراکي نا امنۍ سره د مبارزې، د ماشومانو د تغذیې د پروګرامونو، د روغتیایي مراقبتونو، ښوونې او د هېوادوالو لپاره د روغتیايي خدمتونو د وړاندې کولو په برخو کې مرستې کړې دي.
د اسلامي پراختیا بانک په دغه راپور کې راغلي:«په ۲۰۲۳ کال کې د ۳۵.۳۵ مېلیونه ډالرو په ارزښت ۱۴ پروژې پلې شوي، چې ۲۴.۱۴ مېلیونه ډالره د افغانستان د بشردوستانه اماني صندوق له لارې لګول شوې دي.»