تاند (سې شنبه، د حمل ۱۴ مه) په کندهار کې نا څرګندو کسانو یوه ښځه او د هغې خاوند وژلي او بیا یې جسدونه سوزولي دي.
د کندهار لپاره د طالبانو د امنیې قومندانۍ په یوه اعلامیه کې دا پېښه تایید کړې او ویلي، چې دغه پېښه د دوشنبې په شپه د ډنډ ولسوالۍ په یوه سیمه کې شوې ده.
سرچینه زیاتوي، چې د پېښې په اړه څېړنې پیل شوې دي.
د دغو کسانو د هویت په تړاو څه نه دي ویل شوي.
په کندهار کې د طالبانو له بیا واکمنیدو وروسته، د ورته پېښو خبرونه زیات شوي، چې د څېړنو په اړه له ژمنو سره سره د پېښو د لاملونو په تړاو معلومات نه دي ورکړل شوي.