تاند (شنبه، د حوت۵ مه) د بلخ لپاره د طالبانو ځایي چارواکي وایي، چې د دوی له بیا واکمنیدو وروسته، له اماراتو څخه بلخ هوایي ډګر ته د کارګو الوتنه د (فلای سکای) هوايي شرکت له لوري ترسره او ۱۶ ټنه سوداګریز توکي یې دغه ولایت ته ولېږدول.
د متحده عربي اماراتو څخه بلخ ولایت ته د پرواز وروسته د کارګو شرکت یوه مسوول ویلي، چې افغانستان او متحده عربي امارات غواړي د سوداګرۍ په برخه کې پراخې اړیکې ولري؛ نو اړتیا ده، چې د بلخ او متحده عربي اماراتو ترمنځ د کارګو دوه اړخیزه پروازونه پيل کړي.
د بلخ د سوداګرۍ او پانګونې خونې مسوولینو د دغو الوتنو په بیا پيل خوښي ښودلې او ویلي، د دې سوداګریزو اړیکو سره سم به په نورو برخو کي هم د دواړو هېوادونو ترمنځ اړیکې قوي شي.
د طالبانو له بیا واک ته رسېدو سره، د افغانستان او ډېرو هېوادونو تر منځ عادي او تجارتي پروازونه ځنډیدلي وو.
طالب چارواکي وایي، چې د سوداګرۍ د بیرته عادي کولو او پراختیا هڅې کوي،