تاند (یکشنبه، د جدي ۱۷ مه) د پاکستان مشرانو جرګې یوه طرحه تصویب کړه چې له مخې یې د دغه هېواد پلان شوې پارلماني ټاکنې ځنډول شوي.
د دغه ځنډ دلیل د شرایطو نا مساعد والی ښودل شوی، خو نور جزیات یې نه دي روښانه شوي.
په وروستیو کې د پاکستان پر یو شمېر پارلماني نوماندانو مرګوني بریدونه وشول او ورسره د دغه هېواد د اقتصادي وضعیت د لا خرابوالي راپورونه خپاره شول.
پاکستان په وروستیو کې د اقتصادي ننګونو ترڅنګ په امنیتي لحاظ هم ګڼو ستونزو سره مخ شوی.
د دغه هېواد پر پوځ او نورو امنیتي ځواکونو د پښتونخوا ترڅنګ په بلوچستان او نورو سیمو کې مرګوني بریدونه زیات شوي، چې پاکستاني چارواکي او سیاستوال یې وېرولي.
د پاکستان لوی درستیز جنرال عاصم منیر څه موده مخکې د دغه ترینګلي وضعیت د مهارولو لپاره د واشنګټن د اقتصادي مرستو د ترلاسه کولو په هڅه امریکا ته هم په سفر تلی و، خو ویل کیږي چې تش لاس او نهیلی ورڅخه ستون شوی.
دا خبر غلط دی. د پاکستان سنا د ټاکنو د ځنډ وړاندیز وکړ خو هغوی یې د ځنډولو واک نلري. تاند باید دغسې تیروتنه ونکړي.