تاند (یکشنبه، د جدي ۱۷ مه)د پاکستان د جمعيت علماء اسلام ګوند د مشر ملا فضل الرحمن په مشرۍ یو پلاوي پلازمېنې کابل ته تر رارسېدو ورسته د طالبانو د رياست الوزرا له سياسي مرستيال سره د دوی کابینې د يو شمېر غړو په شتون کې وکتل.
د طالبانو د بهرنیو چارو وزارت سرپرست مولوي امیرخان متقي ويلي چې ملا فضل الرحمن د پاکستان په سياست کې مهم رول لري او تمه ده، چې د نوموړي سفر به د کابل او اسلام آباد ترمنځ د اړيکو په برخه کې ګټور تمام شي.
متقي زياته کړې، چې د پلاوي لویوالي ته په کتو سره مالومېږي، چې ملا فضل الرحمن به له ځان سره د پاکستاني لوري پيغام د طالبانو له مشرانو سره د شريکولو په موخه راوړی وي.
نوموړي په داسې حال کې افغانستان ته په سفر راغلی، چې په وروستیو کې د طالبانو او پاکستان اړیکې ظاهراً ترینګلې شوې دي.
تېره اوونۍ د طالبانو له اړخه د دوی د دفاع وزارت مرستیال او د کندهار والي ملا شیرین اخوند د یوه پلاوي په مشرۍ اسلام اباد ته لاړ او یو شمېر پاکستاني چارواکو سره یې د اړیکو پر ښه والي خبرې اترې وکړې.
د طالبانو اصلیت ورو ورو رابرسیره کیږي دا پدري د انګریز غلام او د طالب د مور میړه په راتګ یا دعوت ثابته شوه چې غلام ابن غلام طالب هیڅکله ازاد ندی.