تاند (جمعه، د جدې ۸ مه) ټاکل شوې ده چې د ملګروملتو امنیت شورا نن (جمعه) د افغانستان د وضعیت په اړه پر راپور د غور لپاره غونډه جوړه کړي.
د ملګروملتو امنیت شورا پر خپله رسمي ویبپاڼه لیکلي چې دا غونډه به د نیویارک په وخت د ورځې په لس بجې (د کابل د ماښام اووه نیمې) پیل شي.
په دې غونډه کې د امنیت شورا غړي د افغانستان لپاره د ملګروملتود ځانګړي منتظم (همږغوونکي) فریدون سینیراوغلو له لوري د دې هیواد د وضعیت په اړه چمتو شوی راپور ارزوي.
د ملګروملتو سرمنشي انتونیو ګوتیریش د نوومبر په اتمه د سینیراوغلو خپلواک راپور امنیت شورا ته واستاوه.
د نوموړي په راپور کې د ملي دیالوګ پر اهمیت ټینګار شوی او ویل شوي چې داسې دیالوګ په افغانستان کې د پراخ بنسټه حکومت د جوړېدا لپاره حیاتي دی.
په راپور کې هغو شرطونو ته هم اشاره شوې چې پر اساس یې نړیواله ټولنه د طالبانو حکومت په رسمیت پېژندلی شی.
د ښځو حقونه په تېره بیا د کار او زده کړو حق په ځانګړي ډول اساسي شرط بلل شوی دی.
د طالب دغبرګون اړوند دغه پښتو وردګی لنډۍ او وره سره دا شعر ډیره پځای بریښي: ۱-وردګی لنډۍ :زه د وم،لالۍ د وی،یو ګوډۍ اوړه د وی. نور که نه وی ،نه د وی! ۲:شعر: د عالم ډیري خبری ……لور په لور تورې لښکری.زړه می نه خوځي له ځایه….غر خو هسي وی کنه. طالب جان اوس په یوه ګوډی اړو بسنه کړیده او د اولس پروا نلری. هیڅ خوځښت نلری ،او غر خوهسی وی کنه.