تاند (سې شنبه، د قوس ۲۱مه) د جرمني د زلزله پېژندنې د څېړنو مرکز وايي، څو شېبې وړاندې (د سهار ۶ بجې او ۵ دقیقې) یوې زلزلې چې شدت یې د ریښتر په حساب ۵ اعشاریه ۲ درجې و، د افغانستان بدخشان ولایت ولړزاوه.
د دغه مرکز پر اساس، د دې زلزلې مرکز د فیض اباد ښار د جنوب په ۷۵ کیلومترۍ کې د مځکې تر سطحې ۱۳۵ کیلومتره لاندې و.
د جرمني د لزله پېژندنې د څېړنو د مرکز له اعلانه سره هممهاله د هند د زلزله پېژندنې ادارې هم د دې زلزلې خبر ورکړ، او د هغه شدت یې د ریښتر ۵ اعشاریه ۲ اټکل کړ.
د هندوکش غرونه او په ځانګړي ډول بدخشان ولایت د منځنۍ او جنوبي اسیا د ډیرو زلزلو مرکز وي.