تاند- د ویکي پیډیا بنسټګر جیمي ویلز وايي، مصنوعي ځیرکتیا/ ذهانت پر یوه زبرانسان (سوپرمن) له بدلېدو څخه لا هم لږترلږه ۵۰ کلونه لېرې دی.
دی د چټ جي پي ټي د کارولو په اړه وايي:«واقعاً ډېر ټکي نه رعایتوي او تېروتنې کوي. تېروتنې یې په ظاهره د توجیه وړ ښکاري، خو د ځان لپاره سرچینې جوړوي، ګډوډ دی.»
د ویکي پیډیا موسس د مصنوعي ځیرکتیا په برخه کې له یوې فعالې کمپنۍ سره د همکارۍ احتمال نه ردوي، خو ټینګار کوي چې دا پرېکړه باید له ډېر غوره وروسته وشي.
جیمي ویلز زیاتوي، په ویکي پیدیا کې د مطالبو د لیکلو لپاره د چټ جي پي ټي له مصنوعي ځیرکتیا څخه استفاده سبب شوې چې ویکي پیدیا ګډه وډه شي.
دی ټینګار کوي، هغه مطالب چې (چټ جي پي ټي) یې د ویکي پیډیا لپاره چمتو کوي، له فاجعې کم نه دي او اصلاً چټ جي پي ټي د ویکي پیدیا په درد نه خوري.