تاند (سې شنبه، د عقرب ۳۰ مه) د ننګرهار لپاره د طالبانو سیمه ییزو چارواکو وویل، چې تورخم لاره د پاکستان لخوا نن بیرته پرانیستل شوه.
د طالبانو په یوه اعلامیه کې راغلي، چې ولایتي پلاوي یې نن پاکستاني چارواکو سره په دې اړه مذاکرات کړي او ترې غوښتي یې دي چې د ترانزیت او سوداګرۍ لپاره له خنډ جوړولو لاس واخلي.
پاکستان نن ظاهراً په دې پلمه، چې دغه هېواد ته د افغان سوداګریزو توکیو د لېږد موټر چلوونکو پاسپورټونه او ویزې نه لرلې، تورخم دروازه وتړله.
د افغانستان – پاکستان د سوداګرۍ خونې یوه مسوول خان جان الکوزي دا پریکړه یو اړخیزه او د اصولو خلاف وبلله.
پاکستان په وروستیو کې د افغانانو پر وړاندې خپل ناوړه چلند زیات کړی، چې افغانان یې ګڼو ستونزو سره مخ کړي.
Salam.we appreciate Tandi for valuable writings