تاند (سې شنبه، د عقرب ۳۰ مه) له کندهار څخه ترلاسه شوي خبرونه وايي چې د طالبانو عمومي مشر ملاهبت الله اخوندزاده د کابینې ټول سرپرست وزیران کندهار ته وربللي چې په یو شمېر مهمو مسلو له هغوی سره مشوره وکړي.
د دغو خبرونو پر اساس، د کابینې غړي او د مهمو ادارو چارواکي له پرون (دوشنبې) راهیسي له هبت الله اخوندزاده سره په غونډو بوخت دي.
که څه هم طالبانو د دې غونډې او د هغې د اجنډا په هکله څه نه دي ویلي خو په کندهار کې ویل کېږي چې مشر ملا له نورو طالب چارواکو سره له پاکستان سره د ترینګلیو شویو اړیکو، ټي ټي پي، له پاکستانه د افغان کډوالو د جبري ایستلو، د افغانستان لپاره د ملګروملتو د ځانګړي همږغوونکي د وړاندیزونو پر اساس د افغانستان د راتلونکې په اړه د نړیوالې ټولنې د جوړېدونکې غونډې او همداراز د نجونو د زده کړو په اړه خبرې کوي.
تېره اوونۍ د افغانستان لپاره د ملګروملتو ځانګړي همږغوونکي د امنیت شورا په غوښتنه د افغانستان د وضعیت په اړه د خپلې ارزونې راپور دې شورا ته وړاندې کړ او په عین حال کې یې وړاندیز وکړ چې د افغانستان د راتلونکې په باب دې په قطر کې یوه لویه غونډه دایره شي.
ایا په کندهار کې هیبتو سوډر ده سي ورغلي او که کوم د ای ایس ای لوی ماسل ناست ده. دغه خنزیر ځناور هیبتو ولي له ولسه ځان پټوي که دئ رښتیا وي؟ زما په اند هلته کوم د طالبو د اورتو میړه د ای ایس ای ماسل ناست ده ! ☹️