د سګرېټ څکولو او سرطان د ارتباط په اړه به مو ډېر اورېدلي وي خو سهار وخته د سګرېټ څکول بیا ډېر ژر په سرطان ناروغۍ د اخته کېدو سبب کېږي.
له بده مرغه ډیر خلک له خوبه تر پاڅېدو وروسته سمدلاسه سګرېټ څکوي.
د امریکا د روغتیایي څېړنو مرکز وايي، څېړنو یې څرګنده کړې چې سګریټ څکول د یوه انسان د روغتیا لپاره ګڼ نور زیانونه هم لري.
څېړونکي وایي سهار وختي له خوبه له راپاڅېدو وروسته تر نیم ساعت پورې سګریټ څکول د انسان په روغتیا ډېره ژوره اغېز کوي. دوی سپارښتنه کړې چې له خوبه له راپاڅېدو وروسته تر یو یا دوه ساعتونو پورې سګریټ مه څکوئ.
د دې تر څنګ د سګریټ د زیانونو په هکله ځيني نورې څېړنې ښیي چې سګریټ د زړه او سږو لپاره هم ګڼ زیانونه لري.