تاند(پنجشنبه، د عقرب ۲۵ مه) راپورونه وایي، چې ایران د سږکال له پيله تراوسه تر۷ سوه او ۳۸ زرو زیات افغان کډوال له دغه هېواده شړلي.
د ورکړل شویو راپورونو له مخې، ایران دغه کډوال ناقانونه ګڼلي او ویلي، چې لا نور شړلو ته یې دوام ورکوي.
څو ورځې مخکې د طالبانو د کډوالو وزیر خلیل الرحمان حقاني وویل، چې ایراني ځواکونه افغان کډوالو سره د ناوړه چلند او وهلو ټکولو تر څنګ د هغوی جیبونه هم لوټلي.
هغه د ایران پر وړاندې د خپل رژیم غبرګون نه دی په ډاګه کړی.
په وروستیو کې پاکستان، ایران او ترکیه په پرله پسې ډول افغان کډوال په زوره شړي، چې دا کړنه یې د پراخو مخالفتونو سره مخ شوې ده.
د طالبانو د ریاست الوزرا اقتصادي مرستیال ملا برادر اخوند څه موده مخکې ایران ته د سفر پر مهال له افغان کډوالو سره د دغه هېواد چلند ستایلی و.
دا دریواړه هیوادونه مسلمان هیوادونه یادیږی او دی هم ، که د کفر هیواد ته څوک لاړشی نو هلته بیا درته اضافه د مهاجرت خقوق هم درکول کیږی ، نو کیسه کوم خواته روانه ده؟ اخوت مسلمه څه معنی لری ؟ ضرور د مسلمانی څخه د خلکو او ځوانانو زړه تورول کیسه په مخ ځی