تاند (سې شنبه، د عقرب ۲۳ مه) د پښتون ژغورنې غورځنګ د رهبرۍ غړي او د پاکستان په پارلمان کې د وزیرستان استازي علي وزیر دا ځل بیا د پاکستان خلاف تونده وینا کړې.
نوموړي پرون د بلوچستان په چمن کې پر افغان تګ راتګ کوونکو د پاسپورټ او ویزې د جبري کیدو خلاف اعتراضیه ناستې ته له ولولو ډکه وینا وکړه.
ښاغلي وزیر پاکستان ته په خطاب کې وویل: نه تا، نه دې پاسپورټ او نه دې ډیورنډ منو، موږ د لوی افغانستان خلک وو او یوو.
د نوموړي څرګندونې په پراخه کچه د پښتنو ملتپالو او افغانانو له هرکلي سره مخ شوې دي.
چمن کې نږدې ۲۵ ورځې کیږي، چې زرګونه پښتانه پر سپین بولدک د تګ راتګ لپاره د پاسپورټ او ویزې د جبري کیدو خلاف په اعتراض راوتي او پاکستان ته یې د دې پریکړې د بیرته اخیستو خبرداری ورکړی.
ښاغلي وزیر یاد شوي اعتراض ته په داسې مهال دا وینا کړې، چې تر دې مخکې په ځلونو- ځلونو د پاکستان د پوځ به اشاره د همداسې انقلابي ویناوو له امله بندي شوی او بیرته په ډېر جنجال راخوشې شوی.
باید د جهاد اعلان وکړي او د ټوپک په زور خپله خاوره ازاده کړي.