تاند (دوشنبه، د عقرب ۲۲ مه) ډیورنډ کرښې ته څېرمه د بلوچستان په چمن کې د مشهور پښتون سیاستوال خوشال خان کاکړ په مشرۍ د پاکستان د هغو پریکړو خلاف اعتراضونه ۲۳ مې ورځې ته غځیدلي، چې د سپین بولدک- چمن ترمنځ د تګ راتګ لپاره یې وضع کړي.
پاکستاني چارواکو ویلي، چې پر دغه لاره له پاسپورټ او ویزې پرته نور تګ راتګ نه شی کیدای.
د دې پریکړې خلاف د پاکستان تر کنټرول لاندې پښتنو ملتپالو او یو شمېر روحانیونو پراخ اعتراضونه پيل کړي او دا پریکړه یې غندلې ده.
خوشال خان کاکړ ویلي، چې د دې پریکړې تر لغوه کیدو به د دوی اعتراضونه دوام ولري.
د اعتراضونو یوه ګډونوال مولانا عبدالقادر ویلي، چې دا سیمه د پښتنو ده او پریکړې به یې پښتانه کوي، نه پنجابیان.
پاکستان په وروستیو کې د افغان کډوالو خلاف سخت دریځ غوره کړی او د څو میلیونو کسانو د ویستو عملیات یې پيل کړي، چې په ترڅ کې یې کډوالو سره ناوړه چلند کوي او ان شتمنۍ او پیسې یې لوټي.
په افغانستان کې د طالبانو رژیم او یو شمېر نړیوالو سازمانونو دغه چلند غندلی او پر پاکستان یې د پریکړې د بیرته اخیستو غږ کړی، خو دغه هېواد له دې پریکړې نه دی په شا شوی.
ملګرې معلومات دي ناسم دي. زه د چمن يم او په اړه يې خبر لرم. د دې پرلت مشرتوب يو کس نه بلکي څو جماعته کوي؛ ټولي سياسي پارټۍ او لغړي اتحاد.
وروره تر څو چې ټوپک ته لاس نکړئ بل په هیڅ خلاصیدی نشئ، هغوی ستاسو د پاکستاني کیدو نه منکر دي. غټان، ملکان او د پارلمان غړي درته بندیانوي په دوه کسه پوځ درباندې حکومت کوي او ټول حقوق مو نر غوندې خوري. د پرلت مرلت نه نه پخوا څه جوړ شوي او نه ترې اوس جوړیږي. سمه مقابله او مجادله پکار ده.