تاند – له مزارشریف څخه د ترلاسه شویو راپورونو له مخې، نن ماښام ناوخته د دغه ښار په اومه ناحیه کې د چادونې غږ اوریدل شوی دی.
یو شمېر کسانو په ټولنیزو شبکو کې ادعا کړې چې لږترلږه دوې چاودنې شوي. د دوی له ادعا سره سم چاودنې د کارتې صلح (د سولې مېنه) د پولیسو په یوه ماموریت کې شوي دي.
دوی همداراز ویلي، چې د چاودنو له کبله مرګ ژوبله هم پېښه شوې خو د شمېر په اړه یې معلومات نه لري.
ځینو نورو سرچینو ویلي چې یوه چاودنه شوې ده.
تر اوسه د بلخ ولایت امنیتي چارواکو د چادونو د څرنګوالي او له کبله یې د احتمالي مرګ ژوبلو په اړه څه نه دي ویلي.