تاند:( پنجشنبه، د میزان ۲۷مه) ټاکل شوې چې د امریکایی او ازبکستاني پلاوي ترمنځ له افغانستانه ازبکستان ته د وړل شویو یو شمېر امریکایی چورلکو د برخلیک په اړه خبرې وشي.
په ازبکستان کې د امریکا سفیر جاناتان هنیک ویلي چې د دې او ځینو نورو مسایلو لپاره د امریکا یو پلاوی ازبکستان ته تللی.
سرچینې په دې تړاو زیات جزییات نه دي ورکړي.
د ۲۰۲۱ د اګسټ په ۱۵ مه په افغانستان کې د جمهوري نظام له پرځیدو سره، د دغه نظام یو شمېر پیلوټانو تر ۵۰ پورې چورلکې او پوځي الوتکې تاجیکستان او ازبکستان ته ولېږدولې، خولا یې برخلیک نه دی معلوم.
په افغانستان کې د طالبانو حاکم شوي رژیم د تېرې دوه کلنې واکمنۍ په موده کې یې یو ځلې د دغو الوتکو او چورلکو غوښتنه کړې، خو یادو هېوادونو ورسره نه ده منلې.
د طالبانو دفاع وزیر ملا یعقوب د دوی د واکمنۍ په لومړیو وختونو کې یو ځل له دې کبله دغو ګاونډیو هېوادونو ته ګواښ هم کړی و.
معلومه نه ده چې امریکا به ازبکستان سره په خبرو کې د یادو چورلکو او الوتکو په تړاو څه غوښتنې ولري.