تاند:( پنجشنبه، د میزان ۲۷مه)د بې پولې خبریالانو ټولنې د طالبانو له بنده د افغانی الاصله فرانسوي خبریال مرتضی بهبودي د خوشې کیدو خبر ورکړی.
بهبودي شاوخوا ۹ میاشتې وړاندې په کابل کې نیول شوی و، خو طالبانو یې د نیول کیدو دلیل نه و په ډاګه کړی.
طالب چارواکو هم په دې اړه څه نه دي ویلي.
دا په داسې حال کې ده چې لا هم یو شمېر افغان خبریالان او فعالان د طالبانو په بند کې دي.
طالب چارواکي د نیولو او خوشې کړو فعالانو په اړه له څه ویلو ډډه کوي.