تاند:(دوشنبه، د میزان ۲۴مه) د ایران حکومت پر افغان کدوالو د فشارونو په دوام، خپلو هغو خلکو ته د جریمې اعلان کړی چې په ناقانونه توګه ایران ته راغلي افغان کارګران د کار لپاره ګوماري.
د ایران د کار ادارې یوه چارواکي وحید نقوي وویل، هر څوک چې ناقانونه افغان کارګران په کار وګماري، د ګومارل شوي کارګر د ورځیني معاش ۵ برابره نقدي جریمه به ورکوي.
د هغه په وینا، په دې برخه کې یو شمېر شرکتونه نښه شوي او جریمه شوي هم دي.
د پاکستان ترڅنګ په وروستیو کې ایران هم د افغان کډوالو د ویستو او پر دوی د فشارونو لړۍ چټکه کړې ده.
د طالبانو له بیا واکمنیدو سره، ایران او پاکستان ته د طالبانو د ګواښونو او اقتصادي ستونزو او بې کارۍ له امله سلګونه زره افغانان په ناقانونه توګه کډوال شوي.
یو شمېر نړیوالو بنسټونو او د طالبانو حکومت دوی سره د کوربه هېوادونو ناوړه چلند او د ویستو هڅې یې د بشري حقونو خلاف ګڼلي.