تاند:(دوشنبه، د میزان ۲۴مه) د تخار لپاره د طالبانو چارواکي وایي، چې په دغه ولایت کې څلور تنه د کورني تاوتریخوالي له امله وژل شوي دي.
په تخار کې د طالبانو د امنیه قومندانۍ ویاند عبدالمبین ساپي ویلي، چې دغه پېښه د مرکز تالقان په خس کپه سیمه کې شوې ده.
د هغه په خبره، د کورنۍ څلور غړي د هغوی د زوم له خوا په یوه شخړه کې وژل شوي او څلور نور ټپیان شوي دي.
وژل شویو کې دوه ښځې او دوه ماشومان شامل دي.
ساپی وایي چې د پیښې په تړاو یو کس نیول شوی او په دې اړه د دوی پولیسو پلټنې پيل کړي دي.
په وروستیو کې له مختلفو سیمو د کورني تاوتریخوالي خبرونه زیات شوي.
فقر، بې کاري او په ټوله کې د خلکو د رواني وضعیت خرابوالی د داسې پېښو اصلي لاملونه یادیږي.