تاند:(پنجشنبه، د میزان ۲۰مه) د هرات لپاره د طالبانو ځایي چارواکو ویلي، چې وروستیو زلزلو په دغه ولایت کې یو شمېر تاریخي ځایونه هم زیانمن کړي دي.
د طالبانو د والي ویاند نثاراحمد الیاس رسنیو ته ویلي، چې دا زیانونه د هرات اختیار الدین کلا، لوی جومات او ځینو څلو ته اوښتي دي.
سرچینې په دې اړه نور جزییات نه دي ورکړي.
د فرهنګي سرچینو د معلوماتو له مخې، د د هرات تاریخي لوی جامع جومات ۱۴۱۴ کاله لرغونتوب لري.
طالب چارواکو د زیانمن شویو فرهنګي سیمو په اړه نور څه نه دي ویلي.
په هرات کې د تېرې شنبې ورځې د زلزلې له امله، تر دوه زرو پورې کسان مړه شوي او زرګونه نور ټپیان دي.
د اوچا د راپور له مخې، د افغانستان په لویدیځ کې د روانې اونۍ زلزلې ۱۷ زره کسان زیانمن کړي دي.