تاند- د بریتانیا اکسټر پوهنتون ویلي، دې ته په کتو چې عام خلک له جادو یا کوډو سره دلچسپي لري، د راتلونکي کال له سپټمبر میاشتې د کاسترۍ په دوره کې د کوډو او غیبي علومو څانګه پرانیزي.
د دغه پوهنتون له اعلان سره سم، دا څانګه د هغو کسانو له منځه محصلان مني چې د تاریخ، ادبیاتو، لرغون پېژندنې، فلسفې، ټولنپوهنې، ډرامه لیکنې او دیني علومو لیسانس ولري.
په دغه پوهنځي کې به د لوېدیځ په هنر او ادبیاتو کې ښامار، د کینګز (پاچا) ارتور افسانې، په یونان او روم کې جادو، په فرضیه او عمل کې لرغون پېژندنه او په منځنیو پېړیو کې د ښځو تصویر تدریس کېږي.
پروفیسره ایملي سلاو، چې د دې څانګې مشري په غاړه لري، وايي:«په پوهنتونو او له هغو دباندې له کوډو او غیبي شیانو سره د خلکو د لېوالتیا زیاتېدا دا اړتیا رامنځته کوي چې ټولنه غواړي چې یو شمېر پوښتنو ته ځوابونه وموندل شي.»
اغلې سلاو زیاته کړه:«فمینیزم، له توکمپالنې او استعمار سره مبارزه به هم د دې نوې څانګې د درسونو یو اصلي هدف وي.»